Mrs. Salamanka

A poem by Noon Meem Rashid (Urdu), posting here specially for Faiza Sultan Khan, with a promise to post it in Persian transcript soon!

Noon Meem Rashid

Noon Meem Rashid

Khuda hashr mein ho madadgaar mera

Ke dekhi hein mein ne Mrs. Salamanka ki aankhein

Mrs. Salamanka ki ankhein

Ke jin ke ufaq hein janoobi samunder ki neeli rasaa’i se aagay

Janoobi samandur ki neeli rasaa’i

Ke jis ke jazeeray hajoom-e-sahar se darakhshaan

Darakhshaan jazeeron mein zartaab-o-annaab-o-qurmuz parindon ki jaulaan gahein

Aisay phaili hoi jesay jannat ke daamaan

Parinday azal aura bad ke mah-o-saal mein baan afshaan!

Khuda hashr mein ho madadgaar mera

Ke mein ne liye hein Mrs. Salamanka ke honton ke bosay

Who bosay ke jin ki halaawat ke chashmay

Shimaali zameenon ke zartaab-o-annaab-o-qurmuz darakhton

Ke madhosh baaghon se aagay

Jahaan zindagi ke raseeda shagoofon ke seenon

Se khwaabon ke rum deed azan-boor letay hein ras aur peetay hein who

Ke jis ke nashay ki jilaa se

Zamaanon ki naa-deeda mehraab ke do kinaaron ke neechay

Hein yak-baargi goonj uth-tay khalaa-o-malaa ke jalaa-jal

Jalaa-jal ke naghmay baham aisay pevast hotay hein jesay

Mrs. Salamanka ke lab meray lab se!

Khuda hashr mein ho madadgar mera

Ke dekha hay mein ne

Mrs. Salamanka ko bister mein shab bher barahna

Woh garden, woh baanhein, woh raanein, woh pistaan

Ke jin mein janoobi samunder ki lehron ke toofaan

Shimaali darakhton ke baaghon ke phoolon ki khushbu

Jahaan dam-ba-dam itr-o-toofaan baham aur gurezaan

Mrs. Salamanka ka jism-e-barahna

Ufaq ta ufaq jesay angoor ki bail jis ki

Ghizaa aasmaanon ka noor aur haasil

Woh lazzat ke jis ka nahin koi paayaan

Khuda ke siwaa kaun hay paak damaan!

About these ads
Tagged with: , , ,
Posted in Baaghi Diaries
One comment on “Mrs. Salamanka
  1. mo says:

    persian transcript? the poem is in urdu right?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Join me on Goodreads
Follow

Get every new post delivered to your Inbox.

Join 89,795 other followers

%d bloggers like this: